محكمة

مين المذنب؟ · MegTech

سياسة الخصوصية

آخر تحديث: 12 أكتوبر 2026

باختصار

«محكمة» لعبة تحقيق جماعية. التطبيق مش بيجمع أي بيانات شخصية، ومفيش حسابات ولا إعلانات ولا أدوات تحليل ولا سيرفرات بنتواصل معاها.

إيه اللي بيتخزّن على جهازك؟

كل اللي تحت بيتخزّن على جهازك بس، ومبيتبعتش لأي مكان:

• إعدادات التطبيق: شكل التطبيق (داكن/فاتح)، الصوت والاهتزاز، نظام اللعب الافتراضي، وقت الاستجواب، الخط الأكبر، إبقاء الشاشة شغالة، والقراءة الصوتية.
• القضايا اللي إنت بتضيفها بنفسك من «قضياك»، لو استخدمت الميزة دي.
• سجل الألعاب: بعد كل لعبة بيتحفظ ملخصها (اسم القضية، والتاريخ، وأسماء اللاعبين اللي كتبتوها وأدوارهم ونقطهم) لآخر 100 لعبة، علشان تشوف تاريخك وإحصائياتك وألقاب الشلة. تقدر تمسح لعبة واحدة أو السجل كله من شاشة «السجل».
• تقييم القضايا: لو دوست إبهام فوق أو تحت بعد اللعبة، بيتحفظ عدد التقييمات لكل قضية على جهازك علشان تقرير التجارب.
• اللعبة اللي لسه ما خلصتش: علشان تكمّلوها بعدين، بيتحفظ على جهازك مكانها: القضية والأسماء والخطوة اللي وصلتوا لها. في اللعب على موبايل واحد بيتحفظ كمان توزيع الأدوار السرّي. بيتمسح لما اللعبة تخلص أو لما تدوس «امسح». في «فريق محققين» بيتحفظ القضية والأسماء والخطوة بس، من غير الأدلة.

أثناء اللعب، الأدوار السرّية والإجابات بتفضل في ذاكرة التطبيق (وفي اللعبة المحفوظة اللي فوق لو خرجتوا قبل ما تخلص).

كل البيانات دي بتتمسح لما تمسح التطبيق.

الأذونات

التطبيق مبيطلبش كاميرا ولا ميكروفون ولا موقع ولا جهات اتصال ولا صور.

في وضع «على الشبكة» بس، iPhone بيسألك عن إذن «الشبكة المحلية»، وAndroid بيستخدم إذن الاتصال بالشبكة، علشان موبايلك يكلّم موبايلات أصحابك على نفس الـ Wi-Fi.

اللعب على الشبكة المحلية

• في وضع «على الشبكة» (واللعب «فريق محققين» على موبايلين) موبايلاتكم بتتبادل بيانات اللعبة (الأسماء والأدوار والأدلة والإجابات) مباشرة عبر الـ Wi-Fi اللي إنتوا عليه، من غير أي سيرفر وعلى غير الإنترنت.
• موبايل المضيف هو اللي بيشغّل اللعبة. وعلشان تقدروا تكمّلوا لو التطبيق اتقفل، المضيف بس بيحفظ على جهازه حالة الغرفة (القضية والأسماء والخطوة، وتوزيع الأدوار في اللعبة العادية). موبايلات الضيوف مبتحفظش حاجة.
• بيتمسح لما اللعبة تخلص أو لما المضيف يدوس «امسح».
• أي حد على نفس الشبكة ومعاه كود الغرفة يقدر يدخل الغرفة قبل ما تبدأ اللعبة، فشاركوا الكود مع أصحابكم بس.

القراءة الصوتية والسماعات

• لو شغّلت «قراءة صوتية للكروت»، محرك النطق اللي على جهازك هو اللي بينطق نص الكارت أو الدليل. التطبيق نفسه مبيسجّلش صوت ومبيبعتش النص لأي مكان. لو جهازك مظبوط على أصوات أونلاين، ممكن محرك النطق بتاعه يستخدم الإنترنت، وده خارج تحكّم التطبيق.
• في اختيار «مع السماعة»، التطبيق بيشوف هل في سماعة (سلك أو بلوتوث) موصّلة علشان يظهر زرار «اسمع». مبيقراش أسماء الأجهزة ومبيخزّنش حاجة عنها.

النسخ والمشاركة

• «نسخ النتيجة» و«نسخ نموذج القضية» بينسخوا نص للحافظة (clipboard) لما تدوس عليهم بس.
• «مشاركة» (النتيجة، أو قضية كتبتها بنفسك، أو التطبيق) بتفتح قائمة المشاركة الخاصة بجهازك، وإنت اللي بتختار هتبعت لمين. محتوى المشاركة بيروح للتطبيق اللي اخترته، ومنقدرش نشوفه.
• «الصق قضية» بتقرا من الحافظة لما تدوس عليها بس.

أطراف ثالثة

التطبيق مفيهوش أي SDK لإعلانات أو تحليلات أو تتبع.

الأطفال

مبنجمعش بيانات من أي حد، ومنهم الأطفال. القضايا خيالية ومفيهاش عنف مصوّر.

التغييرات

لو أضفنا ميزات أونلاين أو حسابات مستقبلًا، هنحدّث السياسة دي ونعرضها جوّه التطبيق قبل ما الميزات تشتغل.

التواصل

لأي سؤال عن الخصوصية: mohammedmagdy823@gmail.com